WADI FUKIN – DONEZTEBE

1,500 biztanleko herria da (Donezteberen antzekoa, biztanleriari erreparatuz gero), Belenetik eta Zisjordania "48ko lurraldeetatik" bereizten duen lerro berdetik gertu dagoena. Bere ekonomia, tradizionalki, bere lur emankorretatik zetozen barazkien salmentan oinarritua zegoen. Gehienbat, Belengo merkatuetan saltzen zituzten, eta lehenago, Jerusalemen.

Israelek lurrak konfiskatu zituen Beitar Illit legez kanpoko kokalekua eraikitzeko herriaren ekialdeko muinoan. Bertako 45.000 biztanleek haien tratatu gabeko ur beltzak Wadi Fukingo baratzeetara isurtzen dituzte, lurra pozoituz eta herriaren diru-iturri nagusia suntsituz.

2023tik aurrera, gizonak "48an" lan egiteko sartzeko debekuak eta kolono armatuen eraso erregularrek ia ezinezko bihurtu dute bizitza garai batean hain oparoa zen herri honetako biztanleentzat.